Team di Aruba a gana Anguilla cu score di 2-0

CONCACAF Nations League 2026

ORANJESTAD (AAN): Diamars cu a pasa, a sigui cu Matchday 2 di Grupo H di CONCACAF Nations League 2026 entre team di Anguilla vs. Aruba  Esaki a tuma lugar na isla di Antigua and Barbuda, den Sir Vivian Richards Stadium.

    Ora cu e wega a cuminza, mesora a mira cu Aruba ta bayendo den atake y a dura un poco pa esnan di Anguilla start su motornan di defensa.  Aruba a sigui haya diferente oportunidad di anota, pero keeper a blokea esaki.  Sinembargo den e prome 30 minuut por a nota cu e team di Aruba ta hambra pa anota un goal.  Toch Anguilla ta logra defende y stroba team di Aruba yega mas cerca.

   Half-Time a bay aden cu score di 0-0.  Aruba tabatin e chensnan di grandi y a pone e keeper Jelanie Lawrence traha extra fuerte.

   Den di dos tempo, na di 53 minuut, Roviën Ostiana a aparece den centro dilanti goal, y cu un solo scop cu su pia drechi a manda e bala den e skina abao banda robez, y asina Aruba a bay dilanti cu score di 1-0.   Aki Gello Robertha a asisti den e goal.

   Despues di esey, e team di Aruba a mantene presion y a keda insisti pa busca forma pa anota mas goal.  Team di Anguilla a sigui busca reaccion, y a haci 4 substitucion den e parti aki di wega.  E team a trata di ataca, pero no a logra genera e chens aki.

   Na di 88 minuut, e futbolista Justin Figaroa a presenta den e area di epeligro, y cu scop cu su pia drechi a manda un bala den parti robez abao di e goal, pa asina e score a bira 2-0.  Asina e wega a keda tambe, y Aruba a gana e partido.

   Diadomingo venidero, esta 4 di October 2026, e team di Aruba lo enfrenta Anguilla un biaha mas, pa nan Matchday 3 di Grupo H.