SPEEDWORLD 12-12-24

Saludos cordial di Speedworld, di boso amigo Hubert Furai Tiel.  Awe cu algun potret di loke ta e actividad di Palo Marga Finals 2024,

caminda por conta cu participacion di nos coredornan di Aruba y algun coredor di hermana Isla di Curaçao.

   Por a mira presencia tambe di e conocido Kurt Johnson, kende ta esun cu a encarga pa renoba e pista y a percura pa e mashinnan nobo tey, pa asina no solamente traspasa experiencia na nos oficialnan, pero tambe pa personalmente transmiti y ofrece tur hende su conocimento cu el a adkiri via varios aña.

   Finalmente un mensahe pa tur hende tuma bon nota di dje, esta cu Fin di Aña ta wordo mancha cu hopi accident lamentabel cada pasa dia.  Por fabor, e dianan aki ta asina druk y no ta necesario pa core duro.  Bay suave riba caminda, core ‘amistoso’ y duna otronan chens.  Lo bo bira un mihor chauffeur, y bo por biba pa hopi aña mas largo.  Laga coremento duro pa Polis, Ambulance, Brandweer, y Speedworld.