Roony Boye nombra Presidente di e Comision Regional pa decision di peleanan di titulo di WMF

ORANJESTAD (AAN):  Roony Boye a ricibi e gran honor di wordo nombra Presidente di e Comision Regional pa

Decision di Peleanan di Titulo di World Muay Thai Federation (WMF) pa e region di Centroamérica y Caribe.

            E nombramento ta e resultado di un reunion importante den Thailand, sede di e organisacion mundial, unda e posicionnan crucial den tur region miembro a wordo delinea.

            Roony Boye no ta ningun desconoci den e mundo di arte marcial, y su dedicacion, pasion y entrega na e deporte di Muay Thai a yega na un nivel internacional.

            Maestro Boye a representa Aruba den diferente evento y nivelnan internacional y su nombramento ta refleha su consistencia y liderato den e comunidad di Muay Thai.

            Kier felicita Maestro Roony Boye cu e logro excelente aki. Ta un momento di celebracion pa e Bond di Muay Thai di Aruba, su scolnan y tur atleta cu ta pone esfuerzo dia tras dia pa pone e deporte riba un nivel mas halto.