Playoff 40Plus FEDEVETA Copa Roy Croes ta cuminza riba Diasabra

ORANJESTAD (AAN): Directiva diario di Federacion Fedeveta ta cla pa weganan start! 

Pesey nan ta invita tur fanatico di Futbol di Aruba pa bin wak Playoffnan hopi interesante y anticipa pa wak ken eventualmente lo bay cu e Copa Roy Croes.

   Aki DIARIO ta presenta e schedule y e aña aki lo hunga riba 2 tereno pa asina por goza di bon futbol y despues hunga domino, canta y pasa un momento ameno entre amigonan.

   Na veld di RCA Arena, e team di Inter cu a cualifica merecidamente na prome lugar lo purba di sigui den e Campeonato contra Caravel cu nan defensa casi impenetrable.  Esaki ta pa 6:00 pm.

  Despues lo tin e wega mes pa locual ta e final di 40 plus aña pasa, esta Dakota Starszz y Riverplate.  Por a  compronde cu Dakota ta hopi hambra pa venga e derota di aña pasa.

   Na veld di Nacional lo midi forza di e meneernan di scol esta Teachers United contra e Naranjadanan di  Santa Cruz esta Estrella. E wega aki lo wak si e meneernan por score riba un otro defensa international di Santa Cruz.

   Despues e wega mes entra e No 3 esta Nacional vets contra e spañonan di tur tempo y e equipo di Roy Croes mes, esta Barcelona. E hungadornan di Barcelona a priminti  Roy Cu nan lo dune e Copa cu ta dedica na dje! Nacional tambe tin un bar cu Chill, Balashi, y un cushina cu ta ponebo baba so.

   Pesey despues cu Seleccion di Aruba ta Gana, Bin wak mas futbol Diasabra awor.