ORANJESTAD (AAN): Aruba Bank ta recorda cu e 20 edicion di Aruba Bank Walk & Run su registracion ta habri diahuebs, 7 di Mei pa 6’or di atardi online.
E link pa registracion ta disponibel riba e website di Aruba Bank, riba plataformanan social of Aruba Bank Walk & Run App.
E contribucion pa participacion ta 25 Florin pa persona pa tur 4 dia. Pago por wordo haci via credit card durante registracion, online transfer of cu debit card ora di busca pakete.
“E pakete di Aruba Bank Walk & Run 2026 ta consisti di bo Drifit shirt, Bib cu chip, promo items di 2026, flyer informativo y fruta y awa pa tur 4 dia y tambe bo ta haya 10% di desuento na Subway durante e 4 dianan di e evento” Roxanne Croes, Sr. Marketing Officer di Aruba Bank ta confirma.
Dia 8, 11 y 12 di mei por busca pakete na IBiSA Oranjestad, di 8:00 am - 4:00 pm y dia 13 di mei di 8:00 am - 7:00 pm.
E evento mes ta tuma lugar dia 25, 26, 27 y 28 di mei 2026. Durante e 4 dianan di e evento, participantenan lo tin e oportunidad pa acumula 20 kilometer canando of core door di diferente districto rond di Aruba.
