Tin di haci esaki online
ORANJESTAD (AAN): Tur cos ta mustra cu e tan spera 20 edicion di Aruba Bank Walk & Run di e aña aki ta uno grandi! Hasta e medaya cu participantenan lo ricibi, ta mustra di ta un beyesa completo, y sigur un collectors-item. E ta hasta wordo yama ‘The Evolution Coin’, e simbolo di 20 aña, y simbolo di bo!
Inscripcion online pa e caminatanan aki di 4 dia di Aruba Bank Walk & Run aki lo socede Diahuebs 7 di Mei 2026, pa exactamente 6:00 pm (ora di Aruba).
E link lo aparece riba nan website, tambe e app di Aruba Bank Walk & Run, y riba tur nan social media.
E prome dia lo ta na Paradera pa un distancia di 5,25 kilometer. Di dos dia lo bay cana y core na San Nicolas, cu salida for di Joe Laveist Sport Park, y ta distancia di 5,5 kilometer. Di tres dia lo ta na Noord, saliendo for di CB Noord pa distancia di 4,8 kilometer. Di cuatro y ultimo dia lo ta na Camacuri saliendo di nan sede principal, y lo bay ta distancia di 5,0 kilometer.
Premio pa e Top 5 Cabayero, y tambe Top 5 Damas ta 1.000 Florin pa prome lugar, 750 Florin pa di dos lugar, 500 Florin pa di tres lugar, 300 Florin pa di cuatro puesto, y 150 Florin pa di cinco lugar.
Tambe lo tin 3 premio pa esnan cu ta core como ‘Running Teams”. Registra bo team di cinco coredor! Corda cu por lo menos 2 hende den e team mester ta femenino, pa por cualifica pa e chens di gana. Lo tin premionan di 750 Florin, 500 Florin, y 250 Florin.
