Pariba Legends a blikia Sero Blanco

Torneo di Domino

ORANJESTAD (AAN): Diasabra cu a pasa, hopi fanatico di domino estilo “fast & Furious” a wanta nan rosea p’e grandioso wega entre Sero Blanco DT contra e trabuconan di pariba di brug, esta Pariba Legends DT. E “hype” tabata t’ey, pero ora “puntje” a yega “bij paaltje”, a resulta cu tabata falta hopi letter “i” ta dwaal rond sin nan “puntje”!

   E bataya a cuminsa estilo “niks aan de hand”, caminda cu Sero Blanco tabata tin un cara di “ainda nos ta bezig ta warm up”. Pocopoco e cara ey a cambia pa style di “un djis nos ta ranca sali”! mas cu claro, mester duna beneficio di duda n’un team c’un historia grandi den domino. Pero, toch, net prome cu bel a bati pa halftime, por a sinti na varios mirones cu nan ta carga e pensamento di “Oei! E cos aki ta hole manera un wea cu lo pega candela”. Halftime ta bay aden cu score bentahoso pa Pariba Legends di 11 - 5. Na Hulanda nan ta bisa “niet gepiest, maar toch nat”!

   Anyway, manera semper, chef di Domino Square Garden a prepara un batayon di snack completamente gratis p’e publico presente, y manera di custumber, por a filma un escena di e siguiente pelicula zombi n'e style con publico a basha hambra riba e pasapalonan! Style di man cu 5 dede ta bira glove di baseball cu 6 klauw!

   Enfin, di dos tempo ta bay aden, y ta aki ta caminda cu Pariba Legends a kita tur duda cu nan ta e ekipo e anochi ey cu ta carga e “bunker-buster” bom di Donald Trump! Un solo lansa, y e team di pariba ta drenta bora te paden dje Sero Blanco y dal nan 10 wega prome cu esaki por conta te 3! Shonnan, increibel, pero Pariba Legends a plama e sero foi otro cu score aplastante di 21 - 7! KABOOM! Over and out!