Ministerio di Deporte a duna un man na veld di Madushi Stars

ORANJESTAD (AAN): E peticion di esnan cu ta maneha terenonan deportivo ta sigui drenta, pa asina Gobierno duna yudanza.

   Specialmente terenonan cu ta mester di tiki drechamento pa asina percura pa ora cu temporadanan di competencia nobo start aki poco tempo, cu nan por ta mas safe pa e deportistanan.

   E biaha aki, Ministerio di Deporte a manda un heavy equipment tipo ‘Grader’ pa e veld di Madushi Stars na San Nicolas.

   Di e forma aki, a logra nivela e tereno, kita tur yerba cu lo por a crece riba dje, y di e forma ey pone e veld den top condicion un biaha mas.