Hopi animo y dedicacion na ruta di Noord di Aruba Bank Walk & Run 2026

ORANJESTAD (AAN): Diaranson anochi pa 6:30 pm, a marca e comienzo di e di 3er Anochi di coremento di Aruba Bank Walk & Run 2026.

E biaha aki esaki a start na Centro di Bario Noord.

   E coredornan a move bay nort, despues bira pa pasa na Turibana, pasa den Alto Vista, y sigui e caminda cu a bira bay bek pa Sabana Liber, core pasa panort di Dam di Noord, y yega bek na rotonde di Noord, y asina finaliza na Centro di Bario Noord.

   Tabata bunita pa mira asina hopi hende para pafo a lo largo di e ruta pa apoya tur participante.