Congreso 2023 di FIFA a ofrece multitud di training cu Aruba tambe lo por haci uso di nan

ORANJESTAD (AAN): Recientemente a tuma lugar na Kigali, cu ta e capital di Rwanda, e di 73 Congreso di FIFA na cual un delegacion di Aruba tambe a participa den tumamento di decisionnan.

   Durante esaki, Gianni Infantino a worde re-eligi pa un periodo di 4 aña mas.

   Demas decisionnan ta: Women’s World Cup su premio cash a crece 3x pa yega awor na un suma di 152 miyon Dollar.

   FIFA a pidi partnernan comercial (esnan cu ta transmiti evento y patrocinadornan) pa step-up cu nan bids pa broadcasting rights, indicando cu e sumanan cu a worde recibi ta inaceptabel.  FIFA ta desea di subi e premio cash pa Women’s Fubol pa por ta igual cu esun di Men’s pero ta depende di entradanan di patrocinadornan pa esaki tambe.

   E servicionan y capacidad di e World Cup si lo bay ta igual ta na esun di hende homber, cu oportunidad pa cada pais hiba mesun hopi delegadonan y hungadonan, como tambe e acomodacionnan y e nivel di biahe, nivel di team base camps y otro facilidadnan

   FIFA ta anuncia mehoramento den condicionnan di trabao pa hungadornan femenino profesional cu por ehempel reglamento beneficioso pa muhernan na estado.

   Tambe FIFA a menciona cu lo tin mas miho maneho riba global transfer fees.  Tambe mas dedicacion pa cu sostenibilidad financiero.  FIFA a menciona cu lo bay investiga e feasibility riba pone un limite riba transfer fees.

   Den e Congreso, a trece dilanti cu FIFA a hit un record ganashi 7.7 Biyon Dollar.  Pa e siguiente ciclo di 4 aña FIFA ta proyecta un ganashi di 11 Biyon Dollar, di cual e fondonan lo worde distribui pa futbol mundialmente, y cu segun Presidente Infanto ta pas den su vision di “Make Football Truly Global”.

   FIFA su enfoke ta cu tecnologia ta e caminda di e futuro, y lo haci VAR accesibel na tur pais miembro.  Na e momento aki tin VAR den 100 pais rond di mundo (FIFA ta conta cu 211 pais miembro incluyendo Aruba).

   Lo introduci VAR Light pa paisnan cu por tin 4 camera riba veld.  Lo introduci te hasta un last level pa paisnan cu tin acceso na 1 camera so riba veld.

   FIFA lo ofrece RDO (Referee Development Officers) pa yuda miembronan cu structura, organizacion y educacion pa nan Referee Departments.

   FIFA ta sigui traha riba desaroyo di eFootball tambe y lo sigui traha pa tur e FIFA games ta keda e miho wega riba mercado.

   Arsène Wenger, Chief of Global Football Development di FIFA, a anuncia cu TDS lo mira un investment di USD 200 miyon pa e proximo 4 aña.

   Tin 7 pais cu ta participa na e pilot program di TDS actualmente, e meta ta pa tur pais tin un TDS. (Nota: aki na Aruba e plan a worde entrega caba pa AVB y aproba door di FIFA).  Tur TDS lo ricibi un suma di USD 50 mil pa aña.  FIFA su meta ta enfoca riba academies pa cada pais miembro por tin e best of the best training hunto y pa demostra cu long term planning ta pay off (a usa como ehempel Marokko y Japon).

  Tur pais miembro por aplica pa un FIFA talent coach, cu lo set up y duna training specialisa pa algun hungado (entre edad di 12 y 16 aña) y coach local cu hopi promesa. E prome 7 pais nan den pilot project a cuminsa traha cu nan FIFA Talent coach desde januari 2023.

   Tirando bista den futuro, decision a ser tuma cu Futbol pa ‘Amputees’ (hende cu disabilidad fisico) lo bay haya mas atencion y oportunidad.

   Formato di World Cup 2026 a cambia pa inclui mas pais, cu mas wega cu lo worde hunga (di 32 pa 48 pais, di 64 pa 104 wega).  A expande e Club World Cup 2025 cu mas clubnan participando y mas wega (tur 6 continente lo worde

representa na e Club World Cup).

   Presidente Infantino a menciona e posibilidad di un FIFA World Series tambe.  Fuera a ser mustra cu e U17 World Cup lo worde hunga tur aña, pa ningun hungador di U17 mester perde chance pa participa.

   Sigur un Congreso bale la pena cu Aruba tabata presente pa asina haya sa di tur e training nobo cu tin disponible pa e paisnan cu ta miembro di FIFA.