Clifford Rasmijn di Brazil Taekwondo Stichting a tene su prome reunion

ORANJESTAD (AAN): Clifford Rasmijn di Brazil Taekwondo Stichting a tene su prome reunion hunto cu e mayornan di e atletanan di e new generation.

   Un anochi hopi ameno unda cu tur mayor presente a trece locual nan kier mira pa dilanti y a tende for di Clifford Rasmijn kico ta su plannan pa e atletanan.

   Clifford Rasmijn a splica cu e kier wak Brazil Taekwondo Stichting back na e top mescos cu den e añanan 2000 bay ariba dia cu a cuminsa cu e prome TK na Surinam y despues sigui pa Curaçao.

   Aruba ta cargando e titulo consecutivo ganado di e TK5 na Surinam. Awo cu Clifford Rasmijn a tuma e encargo over e ta bay sigui cu esaki. Mayornan a duna nan aprobacion pa Clifford Rasmijn cuminsa prepara e muchanan pa nan ta cla pa Februari 2024.

   Mayornan a bay di acuerdo pa haci un rifa pa cuminsa recauda fondo pa Surinam. E prome rifa ta bay ta dia 2 di Juli pa Sorteo di Diario unda cu por gana 1000 Florin cash. Pa carchi por tuma contacto cu Clifford Rasmijn na 564-6073 of cualkier un di e miembronan di Brazil Taekwondo Stichting.