Awe e final di Baseball Double A entre Marlboro Red Machine y ATCO Noord Indians ta cuminza

ORANJESTAD(AAN): Despues di un pausa debi na e weganan internacional di Baseball in Paradise na diferente veld y stadion na Aruba, porfin e final di Baseball Double A ta bay cuminza awe.

Marlboro Red Machine a logra e semi final contra Sluggers, mientras cu ATCO Indians a elimina NBO Heat.

Awor Red Machine y Indians ta bay topa otro awenochi pa 19:45 den Joe Laveist Ballpark (JLBP), den un serie di best of seven.

Despues di e wega di awe e di dos wega lo ta mesora Diaranzon na JLBP, mientras cu e tercer wega ta bay ta Diabierna tambe na San Nicolas.

E di 4 wega di e serie ta bay tuma lugar riba Diasabra dia 15 di October na JLBP y si ta necesario, e di 5 wega ta bay ta Diadomingo pa 2’or di atardi den Stadion Nadi Croes/Crismo Angela.

Si e serie continua e di 6 y di 7 wega ta bat ta na JLBP riba Diamars 18 di October y Diaranzon 19 di October.