Aruba Taekwondo a briya  na US Open na Reno, Nevada

ORANJESTAD (AAN):  Aruba Taekwondo Associacion (ARTBO) ta orguyoso di anuncia e regreso di su atletanan talentoso for di e prestigioso US Open na Reno,

Nevada. Lidera pa Entrenador Oficial di Seleccion Nacional di Aruba Taekwondo, sr. Teo Rodriguez, e team a duna un presentacion remarcabel, treciendo cas un medaya di brons y mustrando un curason y determinacion inquebrantable durante henter e competencia.

            Mientras cu e presentacion impresionante di Raymara Blanco a segura un brons hopi mereci den su division, e berdadero realce di e torneo tabata e spirito di tur e atletanan Arubano. Enfrentando oponentenan renombra, ningun di nos atletanan a hala atras. Nan a lucha cu curazon y honor, mustrando nan dedicacion y talento den cada parti.

            Aunke no a logra tur e metanan den e torneo aki, e experiencia gana ta di un valor invaluabel. E atletanan a duna un declaracion poderoso - Aruba ta presente den e mundo di Taekwondo, y nos ta aki pa competi na e nivel di mas halto.

            ARTBO ta extende su felicitacion cordial na tur e atletanan participante cu a demostra un sportividad y resiliencia remarcabel. Nan dedicacion y trabao duro ta un inspiracion pa tur e atletanan hoben Arubano.

            ARTBO tambe ta extende su felicitacion cordial na coach Teo Rodriguez pa su liderazgo excepcional y preparacion di e atletanan, tanto di Tiger Taekwondo Academy como di Estrella Taekwondo Center. Su guia durante henter e biahe aki a contribui significativamente na nan tremendo presentacion den e evento grandi aki.

            Finalmente, ta aplaudi e delegacion completo cu a acompaña e atletanan na US Open. Mayornan, asistentenan, y coachnan.

            E experiencia di US Open aki a bira un acontecimento significativo pa Aruba Taekwondo.

            Felicitacion na e atletanan hoben di Taekwondo cu a representa Aruba riba escenario internacional: Nicole Tromp, Aleysha Macea, Dary-en Morel, Janoah Ridderstaat, Kaydion Kelkboom, Khaleesy Ridderstaat y Raimara Blanco.