ORANJESTAD (AAN): Aruba Bank ta anuncia cu orguyo su patrocinio di e team U15-1 di Racing Club Aruba (RCA) pa e temporada di futbol 2026–2027.
Cu e patrocinio aki, Aruba Bank ta apoya e trabao di RCA pa desaroya futbol hubenil y comunitario na Aruba.
Racing Club Aruba ta un club di futbol cu ta duna hungadornan hoben e oportunidad pa crece den deporte.
Durante entrenamento y partido, e hungadornan ta desaroya nan habilidad, gana confianza den nan mes y siña traha den ekipo. Na mes momento, nan tin e oportunidad di representa nan club cu orguyo.
Aruba Bank ta reconoce e dedicacion di e entrenadornan, famianan y fanaticonan cu ta sostene e hungadornan. E banco ta spera cu entusiasmo pa sigui e team durante e temporada y ta desea e hungadornan y entrenadornan di RCA U15-1 hopi exito riba veld.
https://diario.aw/fr/categories/noticia/deporte/aruba-bank-ta-orguyoso-di-a-patrocina-e-team-u15-1-di-rca#sigProId966e603f6d