Aruba a gana Anguilla cu score di 3-2

Diadomingo anochi...

• Aruba awor ta lidera Liga C - Grupo B den standing 

ST. JOHN’S: Na e isla di Antigua and Barbuda a tuma lugar Diadomingo anochi e wega Matchday 4 di Grupo B di League C di e 2026-2027 CONCACAF Nations League. Aki Aruba a enfrenta e team di Anguilla na Sir Vivian Richards Stadium, y e team di Aruba a yega bon concentra y decidido pa gana e partido.

   Aruba ademas ta cla pa tuma ventaha di su superioridad y pa exactamente 7:00 pm e wega a start, y den menos di 7 minuut ya caba Aruba a anota e prome goal.  Esaki ta cu un tiro fuerte di Carlito Fermina riba goal cu asina a pone e score bira 1-0.

   Na di 39 minuut di wega, Anguilla a logra anota y asina e wega a empata, y halftime a keda na 1-1.

   Den di dos tempo, e oncena di Aruba a cuminza demostra dominio riba e bala constantemente, y ta busca forma pa pasa door di defensa.

   Na di 77 minuut di wega, Anguilla a logra anota un goal, pa asina haci e wega bira 2-1 contra Aruba.  Despues di esey, Aruba a sigui pone presion y ta hungando mas y mas cerca di e area penal buscando e bala corecto.

   Na di 92 minuut di wega, Justin Peterson a anota un goal y esaki e ora a empata e wega bek na 2-2.  E team di Aruba a haya confiansa bek, y mesora a pasa man pa e bala pa sigui hunga den e minuutnan extra.

   Na di 93 minuut,  Alljereau Mercera a yega y anota un goal, y asina e wega a termina cu score di 3-2, cambiando e wega completamente y a demostra un comeback fenomenal di e team aki.

   E siguiente wega di Aruba ta awe Diamars pa 7:00 pm, ora cu e team lo enfrenta Antigua and Barbuda.