E grupo Superstars, a sali ganador:
ORANJESTAD (AAN)—Diabierna anochi a tuma lugar den Cas di Cultura e presentacion final di e Proyecto Dream, Dare, Do y Gang di Arte pa loke ta aña 2024.
Por a mira un entusiasmo grandi bao di e hobennan participante cu a desplega un talento inmenso, sea den baile, arte visual of poesia cu nan a presenta cu berdadero pasion.
E hoben y adultonan den publico a duna nan un sosten tremendo, no a keda keto ni un rato cu nan aplausonan pa tur y cada un di e gruponan cu a participa. No ta por nada, cu e director di Cas di Cultura, Sigfried Dumfries, e directora di ATHA Franchesca Heinze, Freddy Montoya, lider di e proyecto, e coachnan, e hurado, etc., tabata asina contento, cu un presentacion sumamente exitoso.
E grupo… a sali ganador absoluto, y nan premio ta un biahe pa Hulanda na 2025, unda cu nan lo representa Aruba.
DIARIO ta pendiente di informacion door di ATHA y Freddy Montoya, pero no por a keda sin trece sikiera un relato cortico dilanti.
Pabien na tur e gruponan, tur tabata sublime, y sigur hopi pabien y exito na e grupo ganador.
Riba potret, Superstars, ganado di Gang di Arte 2024.
