ORANJESTAD (AAN): Parlamentario Endy Croes a baha basta pisa riba riba e Professor di AVP esta Ryçond Santos do Nascimento.
Dialuna mainta Parlamento a topa otro pa promer reunion oficial unda den un reunion di Comision Central a trata sentimento “gevoelens” di Parlamento al respecto 3 agendapunt riba peticion di Minister Andin Bikker.
Durante e reunion aki Minister a pidi entre otro “gevoelens” di Staten riba compra di 550 bulletproof vests pa proteccion di nos Polisnan. Ryçond, e professor di AVP den un relato na prensa enbez di splica pakico AVP a vota contra esaki, a prefera di ataca Parlamentario Endy Croes al respecto ley y of presupuesto.
Parlamentario Endy Croes a splica cu en realidad e ley tey pa wordo respeta. Berdad tambe ta cu nunca a duna aprobacion pa extra placa pero ‘gevoelens’, positivo adelantando esaki den e presupuesto di Husticia 2021 cu ta entrega na Parlamento.
Primordialmente pa motibo di e situacion cu ta reinando na Aruba mester carga responsabilidad. Segun Croes, bo por keda busca un “punt” cu un “comma” den ley kico si y kico no pero Ryçond a lubida cu aki bo no ta para dilanti un klas ta duna college pero Bo mester carga responsabilidad di henter un pueblo. Razon ta obvio cu nos no por keda man cruza.
Segun KPA su informacion tabata tin 10 tiramento ultimamente y momento esakinan tuma lugar Ryçond ta drumi mientras polisnan ta riba caya pa cuida pueblo. E riesgo a bira mucho mas halto ultimamente y esaki ta un hecho.
Parlamentario Endy Croes a yama Ryçond bon bini na e real world. No lo keda critica solamente pero ta consciente cu e trabou aki ta uno pa asumi un responsabilidad y e balansa e biaha aki ta para sigur na banda di e polisnan.
Terminando Croes ta lamenta si con Avp-Mas-Accion21 a forma un bloke pa rechasa e bulletproofvest pa seguridad di Polisnan.
