Riba Diamars tanto RAIZ cu ACCION 21 y PPA TransformA a cera tur 587 firma pa bay eleccion

ORANJESTAD (AAN): Diamars mainta tabata Partido RAIZ, y Diamars atardi tabata Partido ACCION 21, y net prome cu 8’or di anochi tabata Partido PPA TransformA cu a colecta e firmanan necesario pa participa den eleccion dia 25 di Juni 2021.

   Tanto lider di RAIZ, tambe lider di PPA TransformA, y Lider di partido Accion21 tabata contento.   E lider di Accion21, esta Miguel Mansur hunto cu e 13 candidato riba e lista a gradici un y tur cu a firma pa duna nan e oportunidad pa trece cambio, progreso y mehoracion pa Aruba.

   E team a bishita e tres localidadnan pa firma Censo, MFA Noord, MFA Savaneta y apenas den e di dos dia di coleccion di firma, nan a sobrepasa e cantidad oficial pa sigui e caminda pa eleccion. Esaki ta demostra cu pueblo kier un partido nobo, un partido progresista y liberal pa para pa nan.

   Accion 21 ta preparando su mes pa presenta e programa di partido y asina cuminsa e campaña pa e eleccion venidero. Nan ta bay haci uzo di un combinacion di e plataforma digital y tambe sali riba caya pa combersa cu pueblo cumpliendo cu e medidanan estableci di COVID-19.

   Falta awor solamente Partido UPP, como tambe Pueblo Prome, Partido CURPA, y HTC pa logra nan firma.