Presidente di Parlamento, Marlon Sneek:
ORANJESTAD (AAN) — Presidente di Parlamento, Marlon Sneek a bin cu un mensahe cla tocante loke e, y e ta pensa cu pueblo tambe, ta spera di e parlamentarionan: pa nan papia corto pero substancial y trece dilanti un aporte real, ora tin debate.
“Manera mi ta bisa tur ora ‘kico # 7 bay ariba por bisa, cu di 1 pa 6 no a bisa ainda. Kiermen, no ta tur ora tur 21, of 20 parlamentario mester bin na beurt pa hiba palabra. Y no tur ora bo tin cu uza bo 20 minuut. Miho bo uza 5 minuut y duna un aporte real na e debate cu bo bay uza 20 minuut y na dado momento bo ta cuminza filosofa pa bo yena e 20 minuut.
Ningun hende kier wak cu bo papia 20 minuut. Loke nan kier wak ta un aporte substancial, directo y real na e debate. Mi ta kere cu esey ta un cultura cu bo tin cu cambia y algo cu bo tin cu keda trece dilanti tur biaha, y spera cu bo por mira e cambio ey tuma lugar”, Presidente di Parlamento, Maron Sneek a señala.
