ORANJESTAD (AAN): Informacion for di Den Haag ta indica cu Presidente di Corte Comun di Husticia mr. Mauritsz de Kort a haci un bishita di cortesia na Minister Plenipotenciario mr. Ady Thijsen.
De Kort ta na Hulanda pa un bishita di trabao y a bishita tambe Minister Plenipotenciario di Curaçao Carlson Manuel y Minister Plenipotenciario di
St. Maarten Rene Violenus.
Durante di su bishita na Arubahuis e Presidente di Corte Comun a haci den nomber di e “Beheerraad” y directiva di Corte Comun di Husticia entrega di e relato anual y cuenta anual 2022 na Minister Thijsen. E tema di e e relato anual y cuenta anual ta ‘Novus populus, cogitationes novas’, cu otro palabra: hende nobo, punto di bista nobo. Den bista di e mundo moderno sr. De Kort a haci entre un forma digital di e documentonan na e mandatario.
Minister Thijsen a gradico sr. De Kort pa esaki y a bisa cu Aruba keto bay ta orguyoso cu un Arubiano ta Presidente di Corte Comun di Husticia. E potret ta cortesia di Arubahuis.
