Presentacion di Raad van State na Hulanda a demostra cu AVP-Futuro no a cumpli cu acuerdonan haci na IPKO tocante rijkswet

Parlamentario Endy Croes

ORANJESTAD (AAN): Parlamentario Endy Croes, durante conferencia di prensa di Fraccion di MEP den Parlamento, a elabora riba e buki interesante ‘70 jaar Statuut voor het Koninkrijk’ cu ta trata di advies di Raad van State. Esaki tambe tawata un punto di agenda den e reunionnan na Hulanda durante e siman di IPKO. 

Raad van State di Hulanda, un instancia di mas halto, a trece un conseho despues di 70 aña di statuut, cu a keda cumpli dia 15 di December, 2024. E statuut ta data di 1954. Segun Parlamentario Croes, Raad van State a mira e importancia pa bin cu un conseho riba e importancia di e statuut y e posibilidad pa mehoracion di colaboracion den Reino. 

Señor Paul Comenencia, un profesional cu ta forma parti di Raad van State, a duna e presentacion di e conseho aki ampliamente, basa riba e statuut, cu dos punto di salida. E prome ta “Constructieve samenwerking en onderlinge bijstand” y e otro ta “Bijdraagen aan evenwichtiger verhoudingen en wederzijds begrip”. 

Parlamentario Croes a remarca cu den total a sali 9 conseho for di e buki aki. Segun e parlamentario, actualmente, e discusionnan ta riba HOFA, Rijkswet, caminda cu AVP y Futuro ta entregando autonomia di nos pais contra tur proceso. 

Parlamenatio Croes a referi cu den e conclusionnan y den e afsprakenlijst cu a wordo firma na IPKO, na punto 5 tawata tin un momento cu a pone luz riba consensus rijkswet. “De rijkswetprocedure moet zo worden toegepast dat over autonome aangelegenheden geen rijkswetten tot stand gebracht kunnen worden waar de landsregeringen en de Staten niet uitdrukkelijk mee hebben ingestemd”. 

Tambe a keda demostra cu na IPKO 2022, ya caba tawatin hancra e acuerdonan aki na unda cu partidonan Futuro y AVP y henter e comision a firma. Aki e Parlamentario a accentua, cu Gobierno di Aruba no a cumpli cu e acuerdonan aki cu nan mes miembronan a firma. Entre otro Minister Gerlien Croes y Minister Dowers a firma e acuerdonan aki como parlamentarionan na IPKO 2022. Y awo, den 2025, Hulanda ta bisa na 2025, cu nan mes no ta duna contenido y balor na loke nan a firma. 

“Den e conseho di Raad van State, un capitulo ta dedica specificamente na Consensus Rijkswet, unda cu ta bisa cu mester pidi aprobracion di Parlamentonan prome cu entrega un rijkswet na Hulanda. E proceso aki no a worde encamina segun e acuerdo aki pa Gabinete AVP-Futuro”, Parlamentario Endy Croes a enfatisa.