Parlamentario Marisol Lopez-Tromp
ORANJESTAD (AAN): E siman aki, Parlamentario Marisol Lopez-Tromp a reacciona riba e plan di Gobierno pa introduci BBO na Frontera. Pero ta hopi preocupacion a wordo expresa ultimo simannan door di gremionan comercial, y pueblo tambe pa cu e posible consecuencianan di esaki.
Hopi hende ta puntra si acaso esnan trahando na DIMP di berdad sa con comercio ta draai y si acaso nan ta compronde cu BBO na Frontera aki lo bay hisa prijs di tur cos.
Debi na esaki, segun Partido MAS y Accion21, nan a core manda un carta fecha 24 di Mei 2023 pa pidi pa tene un reunion publico, unda ta pidi gremionna di AHATA (Hotelnan), ATIA (Industria), CUA (Comerciatenan), y KvK (Camara di Comercio por ta presente na Parlamento pa expresa nan preocupacionnan.
Den e carta aki, nan ta urgi president di Staten pa urgentemente yama e reunion aki. Pasobra nan a nota cu gremionan comercial a y ta expresa nan preocupacion cu introduccin abrupto di BBO na Frontera. Pa colmo no tin claridad con negoshinan chikito cu entradanan menos di 50.000 Florin lo por desconta BBO na Frontera mirando cu nan no ta cobra BBO.
Tampoco no tin claridad si cunukeronan lo worde afecta mirando cu nan lo por haya nan mes ta paga BBO riba cuminda di bestia cu nan ta importa.
No tin claridad tampoco cuanto negoshi lo mester depende riba sistema financiero pa linea di credito pa por paga BBO na Frontera, y ki gasto adicional esaki lo trece cune. Tampoco ta probable cu introduccion di BBO na Frontera lo no ocasiona mas inflacion manera Gobierno ta proclama.
