ORANJESTAD (AAN): Parlamentario Ryçond Santos do Nascimento di Partido AVP a trece un Mocion di Desconfianza contra Prome Ministro, usando diferente punto.
Nan ta tuma na malo cu e mandatario principal di e isla a delinea y ehecuta un maneho di energia sin informa pueblo y Parlamento di e contenido di e maneho aki, tampoco su consecuencia a corto y largo plazo.
Tambe nan ta acusa cu Prome Ministro a gaña Parlamento di loke conseheronan legal di WEB Aruba NV a conseha pa yega na areglo cu e directornan y e golden handshake. Nan ta punta dede cu swa di Prome Ministro a bira Director interino na e compania ey. Tambe cu un ex-Parlamentario a bay traha na Utilities NV, y tambe cu un primo a bira President Commissaris di RDA NV, y cu ta permiti e bufete di su tata bira consehero legal di e companianan di utilidad.
Pues e Mocion ta papia di e asunto di Eagle LNG, te na e recorte di 12.6% di salario di funcionarionan, y tambe loke ta pasando na SKOA.
