ORANJESTAD (AAN) – Leonardo Maduro y Leonardo Rafael Figaroa, y Hans Zaandam ta e tres candidatonan nobo cu Partido Accion 21 a presenta, den conferencia di prensa Diaranzon mainta.
E lider di e partido Miguel Mansur a introduci na prome lugar Leo Maduro, un hoben dinamico, cu tin caba un tiki experiencia den politica, e ta deportista y dentista.
Hans Zaandam ta un profesional den logistica y e ta trece un multitud di experiencia tanto den logistica como den politica.
Leonardo Figaroa ta un candidato hoben cu Mansur ta kere lo bira e parlamentario mas hoben den e historia politico di Aruba.
