Hendrik Tevreden lo ocupa su posicion:
ORANJESTAD (AAN): Dialuna Awe mainta, Parlamentario di fraccion di MEP, Shailiny Tromp-Lee a haci un anuncio importante.
"Awe mi a anuncia cu entrante mañan, 12 september 2023, mi no lo fungi mas como Lider di Fraccion di MEP.
E evaluacion pa tuma e decision aki a inicia prome cu mi a baha cu reces na juli, pero mi kier a regla mi reemplasante prome y e tabata kier tempo pa pensa. Na augustus decision a cay.
Mi decision mi a tum’e pa motibo di retonan familiar, situacion cu retonan di salud y y tambe educacion di mi yiunan. Esakinan ta rekeri mi atencion mas intensivo y ta un prioridad pa mi na e momentonan aki. Y mi trabou como Lider di Fraccion ta hopi responsabilidad y dificil pa mi combina y cumpli cu ne y alabes duna mi retonan familiar e atencion cu e mester awor.
Mi ta gradici partido pa e oportunidad brinda y na mi coleganan pa nan sosten y confiansa.
Mi ta gradici mi colega Hendrik Tevreden pa a dicidi pa tuma e reto y ta desee tur clase di exito", asina Tromp-Lee a finalisa bisando.
Mientrastanto, su colega Parlamentario, Hendrik Tevreden lo ocupa su posicion como lider di Fraccion di partido MEP.
