ORANJESTAD (AAN): Parlamentario Endy Croes a reacciona riba Mike Eman alrespecto un “show” cu Mike Eman kier arma pa despista tur locual realmente ta tumando lugar di e tantisimo corpucionnan di AVP.
Mike Eman a bay gobernador y despues a tene un conferencia di prensa pa acusa Promer Minister Evelyn Wever Croes di un posibel fraude electoral pa razon cu lo kier introduci un scanner y a saca esaki completamente for di contexto. Te hasta a gaña cu ta machinenan di venezuela. Mike Eman ta keda un mentiroso y un manipulador.
Mike Eman kier usa triki pa kita atencion di corupcionnan di AVP:
Mike Eman ta bou atake feroz di corupcion. Diferente di su x ministernan ta bou investigacion y tin cu ya a haya sentencia . Paul Croes “hoofdrol” den caso IBIS tin sentencia di 4 aña di prison y 10 aña cu e no por ocupa ningun puesto publico tampoco subi lista politico.
Den hoge beroep esaki no lo cambia. Benny Sevinger ta bou investigacion pisa den caso Avestruz unda su mannan drechi manera Leoncita Arends y Abbath ta sera y Benny pronto lo ta next in line pa worde yama pa bay duna cuenta. Otro ex-candidato di AVP Gaby Werleman tambe ta sera den e caso aki.
Recien Rapport Forensico riba RDA a keda publica unda por mira mas candidatonan di AVP manera e “kroonprins” di Mike Eman esta Richard Arends a maniobra pa cobra 500 mil esta mei miyon Florin den RDA sin ningun klasse di contract. E mes tabata Directuer financiero y e mes tabata paga su propio compania.
Asina baho e cos aki a bay. Patrick Paskel y Speed amigonan intimo di Mike Eman via Tera Group a cobra na forma sin escrupulo y sin berouw 500 mil Florin sin ningun contract. Pues tur esakinan AVP mester deal cu nan den porta di eleccion y ta pesey mester bin cu algo pa desvia atencion. Donny Rasmijn tambe ta den e weya y lo bin pe mas despues,
Conseho Electoral a produci un rapport na 2018:
Conseho Electoral ta un instituto totalmente independiente cu worde ta goberna y supervisa pa Corte di Husticia y Algemene Rekenkamer y no door di gobierno di Aruba. Su presidente ta worde nombra pa Corte di Husticia. Censo cu ta forma parti di Conseho Supremo ta esun encarga pa organiza elecion di acuerdo cu e kiesverordening AB 1987 no 110 cual a conose un ultimo cambio na 2001 esta 20 aña pasa.
Conseho Supremo Electoral a presenta un rapport devastador na 2018 alrepecto irregularidadnan di Mike Eman y AVP durante elecion 2017 y a sugeri pa trece cambionan pa nucna mas cosnan asina por socode. Den mesun rapport a indica cu lo desea di bin cu cambionan entreotro di digitalisacion mirando cu mundo henter ta inovando y Aruba no por keda atras riba e parti tecnologia.
A solicita pa introduci un scanner:
Den e ley actual Kieverordening AB 1987 no 110 cu ultimo cambionan eherse na 2001 tin ancra desde e tempo aya na artikel 52 lo siguiente: “ In plaats van stembiljet kunnen stemmachines worden gebezigd”.Locual mi kier splica ta cu si kier bay over na vota electronico, cual NO TA E CASO AWOR, esaki ya caba ta regla den ley. Kico Censo a propone? Kier introduci un scanner. Votacion ta bay normal, via stembiljet y bo ta yena esaki cu potlood cora manera costumber. Ora Bo caba bo ta dobla bo papel pa ningun hende mira esaki manera costumber y bo ta sali for di e stem hok pues e casita di voto.
Normalmente bo ta tira esaki den e tombola. Awor promer bo tira esaki den e tombola kier introduci un stand alone “scanner” cu no ta conecta riba ningun ningun internet. Cu bo stemblijet dobla (No Habri) pues ningun hende por mira kico bo a vota bo ta pase riba e scanner y despues tire den e tombola. E scanner ta un counter y ta conta e votonan mesora.
Na final di atardi despues di 1 ora cu stembureau sera Aruba tin su resultado pre eliminar. No mester keda conta voto te marduga manera antes. Tombolanan lo worde transporta na candal pa Censo y siguiente den presencia di hendenan di tur partido lo conta tur manual cu mas tempo pa asina tin e resultado definitivo final. Pues kier clarifica e intension y no tin nada di haber cu fraude electoral cu Mike Eman a cuminsa yora anticipando su derota fulminante na caminda.
