ORANJESTAD (AAN): Diabierna ora cu tabata trata e reunion publico di Parlamento pa cu e Presupuesto Supletorio,
tabata Parlamentario Xiomara Maduro di MEP cu a trece algo hopi interesante dilanti.
A referi na e brug kibra di Rooi Afo cu desde Februari 2024 a wordo cera debi na motibonan di siguridad, relaciona cu deterioro di e structura.
Awor despues di 2 aña y 9 luna, ainda e brug aki ta cera y ta contribuyendo na un stagnacion den trafico tur mainta ora cu hopi hende ta bayendo trabao of hiba muchanan pa scol.
Parlamentario Maduro a splica, cu den e presupuesto di pais Aruba na 2025, Gobierno di MEP a bay laga 15 miyon Florin poni disponibel pa drecha e brug di Rooi Afo. E suplica no a bin djis di habitante- y automobilistanan, pero tambe Parlamentario Bermudez di AVP cu a hasta bay aya pa haci reclamo publico riba esaki.
Awor ta pidi Ministronan pa splica ta kico a pasa e ora cu e 15 miyon Florin aki. Pasobra e brug di Rooi Afo a keda mescos y keto bay ta cera cu baricada. Ta pidi Ministronan Rene Herdé y tambe Geoffrey Wever pa aclara ta kico a haci cu e placa, pasobra desde cu Gobierno a sinta no a mira nada di renobacion of recap caminda tumando lugar, y nada haci na Rooi Afo.
