Parlamentario Xiomara Maduro:
ORANJESTAD (AAN): Parlamentario Xiomara Maduro di MEP, a splica cu el a tuma nota di e mensahe di Minister di Enseñansa Gerlien Croes na e veld di enseñansa den cual e mandatario ta purba scapa cara door di tira culpa riba MEP. Segun Gerlien, e gobierno anterior a laga debe atras tur caminda y ta pesey e no por hisa e salario di maestronan. Aki a bolbe gara Minister Gerlien Croes ta gaña e veld di enseñansa.
gobierno anterior di MEP a cumpli cu tur pago di su debenan, sea ta compania local of ta pago di debe internacional. Gobierno di MEP hasta a cuminsa paga companianan local den 60 dia enbes di e 90 di pago cu gobierno ta acorda. Tambe a laga un situacion di likidez atras den cual gobierno por paga su debe den 30 dia mes.
Placa di surplus por bay pa Enseñansa: E ta un lastima cu Gerlien a stop e trabaonan cu a worde haci pa un comision di ex Minister Endy Croes pa hisa salario di e maestronan.
Tambe ta tristo mira Gerlien critica, chercha y nenga cu MEP a traha surplus, siendo cu ta di e placa ey ta paga e reparatietoeslag di 250 Florin pa pensionado, cune Geoffrey ta gaba cu tin 70 miyon Florin pa inversion den 2025, y cu e placa di e surplus por a subi salario den enseñansa.
Segun Maduro, ta hopi lamentable pa bolbe gara Minister Gerlien Croes di enseñansa ta gaña. Banda cu e ta duna un mal ehempel na comunidad y specialmente na nos hobennan, e ta dal e veld di enseñansa cu a sostene TUR TUR, un bofta den nan cara cu su gañamento.
