Mike Eman y Mike de Meza a ranca miyones di e companianan estatal

Partido MEP:

ORANJESTAD (AAN):  Laga nos recorda pueblo  cu esaki tawata den tempo di bonanza. Kiermeen cu no tawata tin pandemia y niun otro crisis mundial. Y esaki ta e motibo berdadero cu Aruba no por a wanta un sla asina grandi di Covid.

            E berdad ta, cu si Eman a maneha fondo publico cu mas responsabilidad, Aruba lo tawata mas fuerte para ora cu pandemia a dal nos. Eman y su Partido, e partido berdadero di FRIENDS, FAMILY Y PRENSA CUMPRA, a gasta riba cosnan inecesario dunando ningun prioridad na futuro financiero di nos pais mucho menos na baha tarifa di awa y coriente. Awe nos ta amplia riba 2 actividad organisa pa Mike Eman y su gabinete. 

GREEN CONFRENCE:

            A uza e companianan WEB y Elmar, Utilities pa sponsor tur conferencia cu e unico meta pa crea un imagen internationalmente di Mike Eman. A paga na 2010 un orador Al Gore, 350 mil dollar cu tur su exigencianan mester a charter asta un avion priva pa e jega Aruba.

E companianan no por a wanta tur e gastonan aki mas y mester a hisa e tarifanan, esaki sin un guera, sin un pandemia mundial sino solamente pa derocha placa di pueblo na un individual FRIENDS & FAMILY di AVP, Mike Eman. 

AKINAN KIKO CADA COMPANIA MESTER A PAGA NA GREEN CONFRENCE

(wak grafico) 

EUROPE MEETS AMERICA:

            Un gastamento sin fin di placa di pueblo na biahenan pa sigui traha riba e imagen di Mike Eman internationalmente unda asta e FRIEND di Mike Eman , KIKO GOMEZ tawata invita pa “wine and dine” 

AKINAN KIKO CADA COMPANIA MESTER A PAGA NA EUROPE MEETS AMERICA:

(wak grafico) 

PRIORIDADNAN ROBES DI AVP NA FRIENDS, FAMILY Y PRENSA CUMPRA

            Mike Eman durante su gobernacion, a maneha cu un prioridad pa crea un imagen internacional pa su mes, gastando miyones di nos pueblo. Pero e unico imagen cu Mike Eman a crea pa su mes ta e imagen di un prome minister fracasa cu a hiba un maneho financiero bastante iresponsabel gastando miyones di fondo publico na su vision di energia cu nunca a mira luz di dia.

            Partido AVP awe ta cuestiona ahuste di tarifanan di awa y coriente mientras cu e partido berde nunca a tene cuenta cu placa di pueblo durante nan gobernacion di disaster y mas ainda, cu e vision di energia biyonario cu Eman tawata tin den su cabes, solamente nan a logra subi tarifa di awa y coriente. 

MUNDIALMENTE TIN UN CRISIS DI ENERGIA

            Awe, Mike Eman, Mike de Meza y AVP kier cuestiona ahuste di tarifanan di Utilidad unda cu mundialmente tin un crisis di energia crea pa un guera na Ukraine. Segun Mike, nan si tawata tin un vision, un vision den tempo di bonanza. Pero un vision cu a manda Aruba casi bancarota pa asina crea un imagen falso di nan lider di partido, Mike Eman.

            Awe Partido MEP ta recorda bo na FLORIN e vision cu a costa nos pueblo miyones. E unico meta cu Mike Eman tawata tin cu su vision di energia tawata pa uza companianan estatal pa crea su imagen internacional y manda nan bancarota.