*Pueblo di Aruba cu gran acogida pa MEP
ORANJESTAD (AAN) – Diabierna 6 di December, Lider di Movimento Electoral di Pueblo, Evelyn Wever-Croes a eherce su derecho di voto na Maria College pa 10 or di mainta.
El a declara cu esaki ta un dia hopi importante y a mustra cu su persona tabata hopi emociona, ya cu nan a traha hopi duro pa demostra cu MEP tin e miho candidatonan, pa forma e miho ekipo di trabao den e proximo gobernacion. Esaki ta refleha den e hecho cu pueblo di Aruba a ricibi e bandera geel cu brasa habri.
Wever-Croes a bisa cu e eleccion aki ta trece hopi reto cu ne, cu nunca antes a mira na Aruba, pero e retonan nobo cu tin pa MEP ta oportunidadnan nobo.
Cu sinceridad, Wever-Croes a expresa cu e ta prefera di haya e mandato completo, pero pueblo ta scoge pa un coalicion MEP ta acept’e, pero a bolbe indica cu lo no traha cu AVP, y si mester bay den oposicion asina lo sosode.
{gallery}Lider di MEP, Evelyn Wever-Croes a vota na Maria College y a mustra hopi emociona{/gallery}
