ORANJESTAD (AAN): Lider di Partido MEP, Evelyn Wever-Croes a duna di conoce na salida di su reunion cu Gobernador,
cu awor cu e resultado di eleccion ta conoci cu locual ta haciendo ta alineando tur e programanan pa mira cual ta mas similar cu otro y wak unda tin puntonan cu ta contrario di otro cu ta bisa ta bira dificil pa traha den un coalicion.
No ta por nada un partido ta traha un programa. Esey ta nan punto di salida, a remarca.
Segun Wever-Croes, mester duna e proceso di informacion y formacion su tempo pa e wordo haci bon. "Pero nos no tine luho di tempo. Nos ta den un crisis ainda y nos mester di continuidad. Tin Hulanda riba nos nek. Awor nos lo sigui mientras cu nos tey te ora cu tin claridad".
Fin di otro siman lo tin un parlamento nobo. Esaki kiermen cu ya caba ta bay haya un situacion di un parlamento cu por ta un otro constelacion cu e gobierno y un situacion asina no por wante mucho largo, e lider di MEP a indica.
Na Hulanda el a tarda 7 pa 8 luna cuatro aña pasa y aworaki nan ta durando. Pero akinan na Aruba e no ta kere cu esey ta traha bon, a remarca.
