ORANJESTAD (AAN): Parlamentario Endy Croes ta lamenta masha hopi con un specialista bon studia ta purba di busca un carera nobo den politica y ta sali ta gaña. Parlamentario Croes ta sigui splica
cu nunca e ta gusta reacciona riba ningun Doctor como cu Doctornan ta hendenan bon prepara cu ta percura pa cura hende y alarga nos bida.
Pero momento nos sinti un Doctor drenta politica cu engaño y manipulacion mester frena nan mesora. Tin un dicho ta bisa “schoenmaker blijk bij je leest”.
Croes a papia aki di Dr. Selene Kock, kende a drenta politica ta blasfemia.
A tuma nota cu Dr. Selene Kock kende recientemente a escohe pa subi lista di AVP a cuminsa cu publicasionan riba su Facebook tratando na tilda gobierno alrespecto e 5 miyon pa luna (60 miyon pa aña) cu mester corta den AZV.
Den su texto Dr Selene ta defende Hulanda splicando cu Hulanda no tin culpa sino ta Minister President y Minister Danqui Oduber ta e culpabelnan. Pueblo por imagina cu un actitud di “bleenchi” asina Dr Selene di AVP mester ricibi un oportunidad pa maneha Aruba ta kico lo por pasa? Si di awor caba Bo no ta dispuesto pa bringa pa Bo pais pero meramente pa purba saca probecho politico ta ilustra un caracter di un politico entreguista anto baha na awa y keda leew di politica.
Mike Eman ta conosi pa manipula henter un pueblo. Mike Eman a gana elecion cu “elimina BBO” pero nunca a cumpli cu su promesa. Mike Eman bou su responsabilidad Ministernan a “horta” y corumpi pais Aruba pa sumanan miyonario. IBIS di Paul Croes- Avestruz di Benny Sevinger- 50 mil Dollar di Mike Eman- Forensic rapport RDA cu ta crusifica Richard Arends, Donny Rasmijn su casa, Patrick Paskel Speed y tewra Group ta ehempelnnan bibo di e partido bagamundo cu Bo a escoge pa subi su lista. Den biba tin un dicho ta bisa “dime con quien andas y te dire quien eres”.
Tin Specialista ta gana 900 mil pa aña y otronan 650 mil pa aña:
Momento a cuminsa negosacion pa baha gasto di AZV pa corta entre otro den salarionan di specialistanan Dr Selene Kock di AVP ta promer cu a grita cu e no kier coopera ni entrega y a pidi pa busca e cortamento den cartera di pueblo. AZV ta pagando 900 mil pa aña na salario di specialistanan (contractnan biew) y 650 mil pa aña (contractonan nobo).
Nos no kier custiona entrada di un specialista paso nan a studia duro pa prepara pa nan carera pero ora un specialista kier subi lista di hendenan corupto y kier cuminsa carera politica riba un pia robes nos mester corigiie mesora. Dr Selena Kock ta liber pa splica pueblo bou di cual contracto e ta cay y si e ta cobrando 900 mil pa aña y si ta berdad e no kier entrega un tiki.
Mei mei di e pandemia aki ainda 10 di maart 2021 Minister President a bolbe manda un carta Hulanda reclamando e abuso di e “loco” Raymond Knops cu su presion y decisionnan absurdo. Netamente ta bringando te dia di awe e decision “inhusto” di Hulanda alrespecto cortamento di 5 miyon pa luna.
A bolbe ilustra Hulanda cu CAft durante un reunion un siman promer cu a traha e carta aki ainda tampoco tin e onderbouwing con a yega na 5 miyon pa luna y ta sconde nan mes tras di decision di Rijksministerraad. A bolbe mustra Hulanda cu IMF recien den nan Artikel IV consultatie a cuestiona e corte di 5 miyon pa luna den un Pandemia y a splica cu esaki ta empeora e “human and economic toll of Covid 19”. Pues por tuma nota cu Minister President ta bringando cu Hulanda keto bay pa pueblo.
Si gana e bataya aki pueblo lo sali beneficia pero Dr Selene Kock di AVP tambe lo keda cobra 900 mil pa aña masha trankil. A caso Dr Selene Kock por splica pueblo te unda e ta dispuesto pa e tambe entrega.
Dr Selene Kock ta dispuesto pa cobra 60% di su salaris manera gran parti di pueblo ta cobrando? Bon bini na politica pero politica por ta hopi cruel. No drenta ta gaña y manipula mescos Mike Eman pero drenta papiando di solucion con Bo lo deal cu Hulanda. Bo a drenta politica dobla dobla y kier sacrifica yiu di tera defendiendo Hulanda riba algo cu Hulanda no tin rason. Shame on You!
