“Bo ta sinti e cambio cu ta na caminda”

ORANJESTAD (AAN): Diabierna atardi alrededor di 2:20 lider di partido MAS Drs. Marisol Lopez Tromp a bay deposita su voto na Scol Basico Washington, acompaña pa un grupo grandi di sostenedor.

Lopez Tromp a indica cu e ta cla pa saca Aruba pa dilanti cu MAS.

“Bo ta sinti cu e cambio ta na caminda y mi ta gradici tur hende cu a sostene nos durante e tempo di campaña, cu hopi palabra di sosten y cu oracion”.

Nos a hiba un campaña unda cu nos a pasa cas pa cas y papia cu pueblo, segun lider di MAS, kende a bisa cu el a warda pa tur otro candidato di su partido vota, pa despues e bay vota.