ORANJESTAD (AAN): Segun fraccion di AVP, loke pueblo a tende, mira y sinti for di clamornan cu ta sali for di hogarnan y for di riba caya ta yena curason cu hopi dolor.
Despues di a hiba combersacion durante fin di siman cu un cantidad di famianan den hogarnan den dolor y ambulantenan buscando un dak riba nan cabez.
Despues di añanan di tanto medida, cortamento di salario, indexering freeze y aumento dramatico di costo di bida y falta di un vision y empenjo social-economico nos ta mira e consecuencia penosamente visible den hogarnan y riba nos cayanan, AVP ta expresa cu hopi lamento. AVP a mustra cu e cifranan di institutonan oficial, SVb, CBS y Banco Central, ta confirma e decadencia social-economico aki.
Pobreza den hogarnan: Den hogarnan por tende famianan ta pidi auxilio y ta expresa cu “nan cartera ta yora”. E situacion a bira alarmante y Pueblo no por mas, y pesey AVP ta teme otro pakete di medida cu gobierno ta bay pone lo caba di pone un parti hopi grandi di nos pueblo den un pobreza ainda mas alarmante y sofocante.
Segun AVP, pesey durante nan gobernacion a percura pa aumenta bijstand, introduci reparatietoeslag, schoolkindrentoeslag, aumento di pensioen tambe cu reparatietoeslag. Nan a percura pa ambtenaarnan tambe keda cu forza di compra cu indexering, inhaalmanouvre y voorjaar- y najaarspremie. Asina nan tambe por ta parti di e vangnet den nan famia pa esnan di menos entrada.
Auxilio for di caya: AVP a combersa cu dos ruman morocho di apenas 20 aña di edad cu ta riba caya sin un dak riba nan cabez. Nan a introduci Sociale Vormingstraject (SVT) pa yuda hobennan asina haya nan caminda back pa un futuro sigur. AVP ta kere cu e retonan aki cu curason y un consenshi. Na e momentonan aki ta kibra so ta kibra tur “vangnet social” cu nos gobierno a crea pa nos pueblo tin asistencia social y cuido medico husto. Pa nos hobennan por bay scol y nan famia tin un entrada pa por provee lo mas basico. Pa tin programanan pa yuda hobennan den dificultad, manera SVT.
Y kico gobierno ta haciendo? AVP ta convenci cu ta haciendo nada, pero nada bon, tur cos ta haciendo Aruba mas pober tur dia mas hoben, hasta mucha ta termina riba caya. Nan ta sclama auxilio, pero gobierno ta sordo y mudo pa nan nececidad y dolor.
