ORANJESTAD (AAN): Diadomingo den oranan di anochi Kustwacht y KPA ta detecta un boto drentando awanan teritorial di Aruba.
Den cuadro di bon cooperacion y cu bon coordinacion KPA y Wardacosta di Caribe Hulandes a logra intercepta un boto cu tabata tin for di direccion di Venezuela cu intencion pa drenta Aruba.
Pa a logra stop e boto personal di Wardacosta a haya nan obliga na los algun tiro di advertencia. Esaki porfin a logra cu e boto a stop. Abordo di e boto tabata tin 5 hende homber di nacionalidad Venezolano.
E capitan di e boto a ser entrega na e recherchenan di Unidad di Crimen Organiza (UGC). E caso ta den pleno desaroyo y e investigacion lo sigui su curso.
