Un biaha mas accident serio na famoso cruzada di Palm Beach

ORANJESTAD (AAN): Atrobe pa di tantisimo biaha na e cruza di Avenida Nelson Oduber na Palm Beach, cerca di Wendy’s y McDonald’s, atrobe a tuma lugar dalmento.

   Tanto patruya di Polis como tambe Ambulans a worde notifica cu atrobe tin dalmento serio y cu herido.  Esaki ta e cruzada cu ta cera na un forma tiki complica y cu cada rato ta trece confusion cerca automobilistanan.  Den e epoca moderno aki, ta increible pa pensa cu Aruba ta usa sistema antique estilo cauchi boulo pa cera cruzada.

   E cruzada ta cera debi cu ningun hende por logra di haya pieza pa e sistema aki for di Hulanda.  Ademas a lage desconecta awor cu meta pa den futuro traha un rotonde eynan.  Pero awor cu e pandemia a kraak e finanzas publico di Aruba, e chens ta grandi cu lo no tin placa pa construi un rotonde eynan mas.

   Pa awor, e cruzada ta keda cera cu baricada y hasta baranca di piedra, estilo The Flintstones, y toch e solucion no ta yuda  Mayoria biaha chauffeurnan no tin bista suficiente aki ora nan tin cu cruza. No ta localnan so a haya envolvi den dalmento na varios ocacion turistanan tambe a pasa den susto formal. Y keto bay no tin solucion.

   Riba e potretnan aki durante e accion, lectornan tin un bista idea con peligroso e cruzada ta. Suplica ta bay pa esnan responsible busca solucion den corto plazo. Tin 21 parlamentario bay spera sikiera un di nan lo dirigi palabra den Staten pa e minister encarga riba corto plaza busca soluciona. E cruzada peligroso y varios persona a pasa den scual y ora ainda ta lucha pa nan salud afecta relaciona cu dalmento serio.