Cuerpo di Polis:
ORANJESTAD (AAN): Cuerpo di Polis a duna di conoce cu tin un otro mucha perdi. Ta trata di e mucha muhe di fam Lyann Alejandra NUÑEZ AARON di 16 aña. Ultimo biaha cu a wak e, e tabata bisti den su uniform di Superfood.
KPA ta pidi cooperacion un biaha mas di comunidad pa yuda localisa e mucha aki door di comparti e informacion aki.
Bo a wak algo? Bo tin informacion? Bo sa ken unda e ta? Yama e numbernan menciona ariba e potret adhunto.
Parce cu awor e tendencia aki ta bolbe lanta cabes. Please di abo ta un mayor papia cu bo yiunan pa haya sa un tiki mas kico nan ta haci, unda nan ta bay, cu ken nan ta comunica.
No por bisa cu esaki ta e caso, pero manera ta conoci, tin un problematica grandi na nivel mundial y esaki ta e menasa di e depredadornan sexual cu awendia ta busca nan victimanan via e rednan social. Mucha homber y mucha muhe ta cay hopi facil pa e sorto di mensahenan cu nan ta haya pa medio di entre otro Facebook, WhatsApp, TikTok, etc.
Awendia e malhechornan virtual ta busca tur manera pa e hobennan cay den trampa.
