Ta e compania mes tin retraso pa entrega e uniformnan pa KPA

Segun Dani Fernandez Perna, di SPA:

ORANJESTAD (AAN): Dani Fernandez Perna, miembro di Sindicato di Cuerpo Policial (SPA), den entrevista cu DIARIO a elabora, tocante e tema di uniform pa Cuerpo Policial (KPA).

Fernandez Perna a menciona cu e problema di uniform ainda ta andando, y ta dos letter so aworaki e tin riba su uniform, y si esey e tin pa traha, t’esey tin. “Nos ta e cara di Aruba, y esey ta e forma con nos ta representando KPA awo. Nos a trece e problema dilanti caba, y ta keda na un hende pa haci e trabao di dje”, Dani Fernandez Perna a expresa.

El a agrega cu segun loke nan a papia cu Altocomisario, el a splica nan cu e di dos bestel cu a wordo haci caba y e ta suppose di ta na caminda, y nan ta bay tras di loke Altocomisario ta papiando aworaki.

“Mirando cu esey ta algo cu no ta den nos man, ni den nan man, si nan a bestel y no a yega ainda, si e compania ta responsabel, aunke nos no tin e motibo di con no a yega ainda, nos ta gewoon bayendo tras di Korpschef, cu nan a bestel y nada a wordo entrega ainda” Fernandez Perna a reitera.

A wordo papia cu ta bay bestel hopi mas uniform, kiermen cu cada polis na luga di tin tres polo y dos carzon, ta bay tin seis polo y tres carzon. “Esey ta loke a wordo papia, kiermen di cu ta bay tin mas polo, y menos bo lab’e mas e ta dura bo tambe” Dani Fernandez Perna a remarca.