E tabata canando pa bay tuma bus
ORANJESTAD (AAN): Tabata Diaranson pa mas o menos 9:40’or di anochi, cu Central di Polis a ricibi informacion urgente, cu un señora a wordo atraca na altura di Olijfistraat den Dakota. Esaki ta e caya cu tin paralelo panort di Avenida Milio Croes.
Mesora Central di Polis a manda unidadnan di Polis, y diferente otro unidad na e lugar pa duna un man.
E prome unidad di Polis cu a yega eynan, a bin topa cu e señora victima ainda basta spanta di e sucedido den cual el a pasa aden. E tin uniform di Security Guard bisti, y el a confirma cu el a caba di trahando e momento ey, y ta canando pa bay rumbo Parada di Bus pa bay cas na Santa Cruz.
El a splica Polis mesora, cu dos homber a baha for di un auto color cora, pa asina menaze cu un cuchiu. Den e atraco aki nan a bay cu tur su pertenencianan, subi auto y desaparece.
Entre su pertenencianan tin su tas, conteniendo yabi di cas, tambe cartera den cual tin placa. Su smartphone tambe a wordo kita fo’i dje.
Mesora diferente unidad a core rond pa mira si por mira e auto color cora, pero no tabatin exito den esey.
Cuerpo Policial ta haci un suplica na tur esnan cu sa algo of a mira algo pa yama e tipline di polis cu ta 111-41. Bo ta keda anonimo.
