ORANJESTAD (AAN): Riba Diabierna cu a pasa, oficialnan di Polis mester a actua rapidamente na Servicio di Emergencia na Dr. Horacio Oduber Hospital, evitando otro bringamento.
Diabierna atardi, algun rato despues cu a yega Servicio di Emergencia na Hospital cu un di e personanan hinca den e racha di violencia na Dakota y Tarabana, problema a start eynan tambe entre un grupo. Mesora a pidi yudansa y sosten di Polis, cu a core bay na e entrada di Servicio di Emergencia na Hospital pa intermedia y evita un drama eynan tambe.
E problema aki a cuminsa di Diaranson caba, ora cu un of mas persona a dal un homber na forma violento y fuerte den Tarabana y posiblemente a hasta fractura su craneo. E persona ey ta den Intensive Care Unit.
Posiblemente e homber por a logra bisa su famia kico lo a sosode y esaki a conduci na e racha di violencia diabierna merdia. Unda cu dos hoben y dos adulto a resulta herida.
