Den un razzia na Bubali: - ORANJESTAD (AAN): Project Team Drugspanden ta un team cu a wordo lanta pa entre otro investiga bendemento di droga for di un percela.
En conexion cu un investigacion andando Project Team Drugspanden a bay na un cas na Bubali y a detene e homber di inicialnan G.H. naci na Aruba di 32 aña.
Durante e entrada hudicial a confisca un cantidad basta grandi di diferente tipo di droga entre otro XTC, cocaina y tambe marihuana.
Diferente team special manera: K9-unit, departamento tecnico di Cuerpo Policial y otro teamnan tambe a participa na e entrada hudicial aki.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama tiplijn: 11141. Ta garantisa cu bo ta keda anonimo.
