Entrada hudicial na un cas na Brazil
ORANJESTAD (AAN): En conexion cu un investigacion tumando lugar, Project Team Drugspanden a haci entrada hudicial na un cas na Brazil. Durante e razzia na e cas, polis a confisca droga entre otro piedra y cocaina.
Tambe a logra detene 5 hende homber y 1 hende muher. Ta trata di A.S.D. K. naci na Aruba di 17 aña, G.U.L. H. naci na Aruba di 24 aña, C.J.R. G. naci na Aruba di 32 aña, E.A. V/D B naci na Aruba di 29 aña, A.C. T. naci na Aruba di 61 aña. Y un hende muher di inicialnan D.A. P. naci na Aruba di 18 aña.
Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
Pa Cuerpo Policial por resolve mas caso cooperacion y informacion di pueblo di Aruba ta hopi valioso, pa motibo aki nan ta pidi si bo tin cualkier informacion yama tiplijn di Polis 11141. Nan ta garantisa cu bo ta keda anonimo.
