Francel Bernardus, vicepresidente di SPA:
ORANJESTAD (AAN) – Francel Bernardus, Vicepresidente di Sindicato di Polis Aruba (SPA), a referi na e asunto di overtime, cu ta un reto pa Cuerpo Policial.
Bernardus a expresa cu overtime no ta bay pa placa y nan a laga un minimum pa traha esaki, pero tin biaha tin colega ta meldziek, of ta bay cu vacancy, of ta surgi algo di urgencia cu polis no por baha bao di e minimum.
E ora ey un hende cu ta trahando caba tin cu keda of mester yama un colega cu ta liber pa bin traha pa keda alomenos cu e minimo pa nan por draai riba e minimum.
El a agrega cu den e departamento di Recherche nan ta traha te 4’or pero 2’or di merdia un melding ta cay anto nan tin cu sigui traha pa nan por pone e trabao na ordo y p’esey tin biaha overtime ta bin sin cu nan kier. E ta bise duidelijk pa hende no kere cu polis ta traha overtime pa traha pa gasta placa. Nan ta mara na in minimum cu nan tin cu cumpli cu ne, pa seguridad di nan mes y di pueblo.
