Famia no sa unda e ta
ORANJESTAD (AAN): Cu autorizacion di mayornan, Cuerpo Policial Aruba ta pidi cooperacion di comunidad pa yuda localiza paradero di un mucha muhe adolescente di apenas 13 aña di edad.
E mucha muher aki yama Kaylee Marcela Kock, naci dia 14 Juni 2012, kende ultimo biaha cu a mir’e, ta ora cu el a sali for di cas na Jucuri, a subi un auto blanco desconoci, y no por a haya contacto cu ne mas.
Kaylee tin estatura di apenas 1.55 meter, su color di cuero ta blanco, y e ta comunica na Papiamento.
Polis ta pidi cooperacion di comunidad pa yuda nan localiza e mucha muhe aki.
Un advertencia ta bay na e persona cu tin e mucha aki, pa e entreg’e mas lihe posibel na un di e Wardanan di Polis, pasobra e acto di wanta un persona tambe ta castigabel pa ley
Si bo a mira algo, of bo tin informacion, y kizas bo sa unda Kaylee Kock ta, e ora yama Central di Polis mesora na telefon 100.
