Caso serio na Caya Frere Henricus
ORANJESTAD (AAN): Dialuna anochi, algo pasa di 6:30 a sosode un incidente na Caya Frere Henricus na Madiki. Durante un intervencion, caminda a acompaña un señora pa busca su pertenencianan na su cas, a presenta e ex-pareha na e cas y na dado momento e homber a zwaai un cuchio den direccion di autoridad.
Polis a avisa e homber varios biaha pa pone e cuchio abao, pero e no a cumpli e ordo di polis y a bay den nan direccion. E agente mester a saca su arma reglamentario y a los tiro di advertencia. Un di e tironan a alcansa e homber.
Varios patruya di polis di diferente distrito, Recherche como tambe Ambulans a presenta na e sitio pa asina atende cu e sucedido.
E homber mester a wordo transporta pa Dr. Horacio Hospital. Patruya di Polis a habri caminda pa ambulans rapidamente por a hiba e victima pa ricibi tratamento urgente. Su situacion tabata critico.
Team Forensico di Cuerpo Policial como tambe Landsrecherche a presenta na e sitio pa haci asina inicia nan investigacion.
