Polis a participa na 'Everyday Superheroes Parade'

ORANJESTAD (AAN): Riba dia internacional di derechonan di mucha, un biaha mas Cuerpo Policial Aruba a participa na e grandioso “Everyday Superheroes Parade 2025”.

Ta un tradicion cu KPA su participacion ta segura den e Parada aki. Conhuntamente y cu un bon cooperacion cu IMSAN y ambulance cu tur aña ta organisa e evento exitoso aki. Nos a bishita diesun scol y a conta cu mas o menos 1500 mucha.

Tur aña Polis conhuntamente cu tur autoridad di Pais Aruba manera: Ambulance, Bombero, Marinies Kazerne, kustwacht y CMO a baila, goza y trece alegria pa nos muchanan.

Cu e meta final pa educa nos muchanan di nan derecho, respet y balor. Tambe pa duna nan e cariño y stimacion pa asina nan por desaroya y bira un persona respeta den nos comunidad.

Cu caranan contento, Polis a sa di marca paso tambe a canta pa nos muchanan riba nan dia importante cu ta 20 november!

Danki na IMSAN y na Liberato Hoek di Ambulance cu a organisa e evento aki pa nos muchanan y pa otro aña Polis lo tey atrobe mas grandi cu nunca!