Pazuid di Corsow a detecta 'go-fast' cu pakinan di droga

E tres personanan abordo a logra huy

ORANJESTAD (AAN): E barco di e marina hulandes Zr.Ms. Friesland, cu actualmente ta desplega pa realisa tareanan di guardacosta den Caribe, a intercepta un cargamento procedente di narcotrafico pazuid di Corsow riba e madruga di diadomingo 20 di februari.

 E go-fast a wordo descubri door di guardacosta den un ruta di contrabando basta conoci, y despues di esaki Zr.Ms. Friesland a wordo activa.

E go-fast a wordo rastrea door di e FRISC. Despues di tironan di advertencia, e personanan abordo a dicidi di benta den lama e pakinan cu droga.

E pakinan a wordo saca for di awa y hiba abordo di FRISC pa asina wordo traslada posteriormente na guardacosta.

E tres personanan abordo a logra huy. E droga a wordo recupera na laman y confisca. 

Ford di Januari 2022, Zr.Ms. Friesland ta activo den e region como buke di estacion den Caribe, alternando entre operacionnan anti droga y apoyando guardacosta di Caribe. 

Potretnan Facebook Page: Kustwacht Caribisch Gebied