El a hasta menasa gerente y personal
ORANJESTAD (AAN): Presencia di polis a wordo pidi cu urgencia na Hong Kong Supermarket, pa motibo cu nan a mira un homber ta horta y ora a bay reclam'e el a bira hopi agresivo y a menasa e trahadonan.
Algo pasa di 10 or di mainta un homber a cana drenta e supermercado y a bay den e seccion di cosmetica. Eyden el a pasa man pa algun producto y a sconde nan den su paña.
Na momento cu e kier a sali bay, e doño y su trahadonan a par'e. a Mustr'e cu e tabatin algun cu e no a paga ainda.
E homber a bira agresivo y a cuminsa insulta staff como personal di gerencia. El a bisa tambe cu e tin un arma den su poder y cu e por tira nan.
Mesora a pidi pa presencia di polis, pero e homber a cobardia y a bandona e supermercado. Un poco prome cu polis a yega.
E gerente di e supermercado a splica polis tur locual e homber a haci y a menasa nan.
E homber a lubida cu e supermarket tin camara tur caminda. Nan a logra haya un bon potret di e malhechor. Awor tin cara di e ladron, na tur 'cash register' y te hasta e plach'i number di su auto.
