ORANJESTAD (AAN): Ariba di dos dia di Pasco, rond di oranan di merdia, Central di Polis a manda un patruya cu urgencia na Wolfstraat,
cu ta keda den casnan di pueblo na Noord.
Segun informacionnan, tabata trata di un incidente cu a involucra un mucha chikito. Aparentemente e mucha tabata hunga patras di un auto y na dado momento, e chauffeur di e auto a reverse y no a mira mucha, consecuentemente a dal'e cu e vehiculo.
Debi na e gravedad di e situacion, ambulance a wordo pidi cu urgencia. Na yegada na sitio, paramediconan a duna e mucha prome cuido medico y despues a hib'e cu urgencia pa e Hospital.
Polis cu a yega na lugar di e incidente a yama asistencia di departamento tecnico pa investiga e incidente lamentabel aki.
Ta haci un yamada na comunidad pa keda alerta y tuma precaucion extra, specialmente den zonanan residencial unda muchanan ta hunga.
