Motociclista a dal peaton y ambos a keda herida

ORANJSTAD (AAN): Tabata riba Bispo di Aña Nobo, anochi faltando par di ora pa cambio di aña,

cu Polis a wordo informa di un accident na Urataca.  Esaki a socede net na e T-weg cu ta bay pa Urataca.

   E prome informe ta cu un motorcycle a dal un peaton, y debi na esaki ambos persona awor ta herida.

   Polis di Santa Cruz a yega rapido na e lugar, y mesora a pidi Ambulance pa ambos victima.  Centro di Alarma na su turno a dirigi dos unidad di Ambulance pa bay duna un man.

   Mientras cu Polis a tuma tur dato, na final Paramediconan a haya cu ta esencial pa transporta tur dos victima pa Servicio di Emergencia na Dr. Horacio Oduber Hospital.

   E caminda mes na Urataca a keda cera pa un rato pa polis di trafico por a haci nan investigacion.